這一秒我哭了

最近幾日...不停地喊
我分唔到究竟我係唔捨得你走
定係我唔習慣你走左之後我要一個人生活
但係你問我想唔想同返你一齊
我又答唔到....
我好清楚呢一刻我唔可以完全100%信任你
始終心入面都仲係有條刺
但係一齊嘅時候又好開心
咁究竟即係點呢....
我自己都唔知......
我只係想維持現狀,唔想有任何改變
長年生活o係矛盾之中其實好辛苦

我暫時真係受唔起任何改變+刺激
就俾我任性一段時間啦...好唔好???

近日不停聽「越愛越難過」,企圖說服自己可以做到
"如果說你要走,我不會留,我不去問以後"
但係.....好似無乜效囉.....

有你真好

真正嘅好朋友....

唔駛成日見面
你唔開心果時唔會下下問點解
當你唔開心果時見到佢會即刻覺得心情輕鬆左
當你講野果時佢好自己會get到你跟住想講乜野
了解你一切嘅喜好
有共同嘅話題
當你喊果時佢會自動獻出膊頭一個
最重要係: 有共過患難

我好慶幸自己真係有好友可以符合晒上面嘅要求
對於呢一位朋友...我只可以講一句: 有你真好
希望我地快d一齊脫離單身,終結孤單啦~

送上一首我每一次聽都會諗起你嘅歌:

<一個像夏天一個像秋天>

後記: 與小林尊的約會

素顏小姐寫左, mr.j又寫過, 連十年都唔update一次嘅竹笙健都寫埋
咁其實我仲有乜野可以寫呢.....
我只係想澄清我唔係生大食積
只係為啖氣唔抵得d人咁囂張jei....
我都好耐無試過瘋狂喪食啦~
乜都唔理想食就食嘅感覺真係好爽

認識到呢d瘋狂嘅朋友真係好.....
如果竹笙健先生唔係成日疑似放飛機會更加好lor~

極度期待哈根大師挑戰賽同埋新年飯局.....

ps. mr.j : 其實我都覺得你好似蕭定一~哈哈哈
ps2. 竹笙健: 我要向你挑戰...喪食我真係未必會輸俾你架....